ಕಪ್ಪು ಬಿಳುಪು

ಕನಸಿನಲ್ಲಿ ಕಣ್ಣ ಒಳಗೆ ಕಲರು

ಕಣ್ಣ ಬಿಟ್ಟು ನೋಡಲೆಲ್ಲ ಕಳ್ಳರು

ಮುಗಿಲ ಮೇಲೆ ಏಳು ಬಣ್ಣ ರಾಯರೇ 

ಕಪ್ಪು ಬಿಳುಪು ಬದುಕು ನಂದು ದೇವರೇ 

ಹೆಂಡತಿ

ಬಾನಿನಲ್ಲಿ ಪೂರ್ಣ ಚಂದ್ರ ಕಂಡರೆ,

ಅಂದು ರಾತ್ರಿ ನನಗೆ ತುಂಬಾ ತೊಂದರೆ.

ತುಂಡು ಚಂದ್ರ ಹಾಗೆ ಒಮ್ಮೆ ನಕ್ಕರೆ,

ತೋರುತಾಳೆ ಚೂರು ಪಾರು ಅಕ್ಕರೆ.

ಕಾಣದಂತೆ ಚಂದ್ರ ಕಾಣಿಯಾದರೆ,

ಇವಳ ಕಾಟ ತಾಳಲಾರೆ ದೇವರೇ..........
ಗ್ರಹಣವೆಂಬ ಭೂತ ಎದುರು ಬಂದರೆ

ಇವಳು ಆಗ ಶುದ್ದ ಭದ್ರಕಾಳಿಯೇ,

ಎದುರು ಬರಲಿ ವೀರ ಧೀರ ಶುರರೆ

ಮಣ್ಣಿನಲ್ಲಿ ಮಣ್ಣು ಆದ ಆಗೆಯೇ....